Di wéinegst vun eis wärten an der Schoul oder soss wou geléiert hunn, richteg Lëtzebuergesch zë schreiwen. An, obwuël zënter Jorzéngten gefuërdert, gett ët an der Schoul nach ëmmer kee richtegen Lëtzebuergesch-Unterrecht. Dowéinst extra an ë Cours zë goën, kënnen sëch och di mannst leeschten,mä duerfir gett ët um Internet Ofhëllef: de CORTINA-Projet. Leider schéngt dëse Projet sëch fest gefuër ze hunn, well ë gouf schon zënter 2003 nemmi aktualiséiert. Mä Gottseidank änneren d’Schreifregelen jo net sou oft. D’Säit ass leider zimlech oniwwersichtlech an extrem irreféierend erstallt, sou datt een net wees, wat een do wou fënnt. Dat interessantestent ass nach den "Online-Spellchecker", deen een bei den démonstrateurs fënnt. Einfach ë Wuërd oder ë Saatz antippen, ë bessen waarden an ët kritt een Propositiounen zu Verbesserong ugewisen. Ët gett soguër ën Spellchecker fir verschidden Textverarbeschtungen eerof zë luëden, mä opmannst di Versioun fir Microsoft Word ass net zë gebrauchen a fonktionéiert extrem schlecht. Mä wee wees, vläit gett de Projet jo iergendwann nach eng Kéier rem weider geféiert.
Link
Archive for April, 2005
Lëtzebuergesch?
Wednesday, April 20th, 2005Am Zeechen vum Pinguin
Tuesday, April 19th, 2005Nächsten Weekend (23. an 24.4.2005) am LGL dat alljährlecht "Lëtzebuerger Linux Fest" statt. Mat engem Show Room iwwert Linux, engem Cyber Café an Hëllef bei der Installatioun, gett een hei eng Aféirung an weider Interessantes iwwert dat fräit Betriebssystem gewuër. Up der Säit sélwer kann een sëch och nach fir d’Coursen an/oder fir d’LAN-Party aschreiwen.
Link
Kreativitéit ass gefroot
Monday, April 18th, 2005Eng Plattform fir kreativ Talenter versicht tcp.lu zë sinn. Op däer net grad immens iwwersichtlecher Säit fënnt eng Onmass un verschiddenen Wiërker aus allméiglechen Beräicher, Audio, Video an alles, wat dotëschent läit. Dobäi kinnt di Säit sélwer schon als Konschtprojet verstaan ginn, sou verwirrend ass së.
Link
kamera leeft, toun un an…
Sunday, April 17th, 2005D’lëtzebuerger Hobbyfilmszene ass schon deck um Laafen, wat de Site vun "Koler Movies Lëtzebuerg" beweist. Zënter 1998 schreiwt, dréit a produzéiert dëse Grupp vun Filmfans hir eegen Filmer an dat an allen Beräicher: Spillfilmer, Dokumentatiounen, Sketcher… Fir jiddereen misst eppes dobäi sinn.
Link
Op d’Schoof komm
Saturday, April 16th, 2005Ween kennt së net, di mockeleg wäiss Gesellen op de Wisen uëchter Staad a Land? Riëds ass vun de Schoof an op dëser Säit fënnt ee wirklech baal alles iwwert déi posséierlech Déiren. Nujo, net wirklech baal alles.
Link
Witzeges
Friday, April 15th, 2005Jiddereen, deen eng Emailsadress huët, kennt dat: all guddden Dag ass ë kléngen (oder heiansdo schon zimlech groussen) Video oder eng Slideshow an der virtueller Bréifkëscht, oder ë méi oder mannert witzegt Bild, oder… Mä wou kommen di Geschichten do eigentlech hir? funny.lu gett d’Äntwert do drop anzwar mat enger Riisenauswiël vun eben genau dësen Videoën, Slideshowen, Fotoën, MP3en asw. Natierlech kommen së net all vun desem Site, mä schlussendlech wärten di meescht hei landen. Duerfir ass eng Visite ët ëmmer rem derwärt.
Link
Kuck mol, ouni Kabel!
Thursday, April 14th, 2005Eent vun den Buzzwiërder 2004 war WiFi, also den kabellosen Zougang zu engem Réseau iwwert Funk. Mat engem sou ageriichten Laptop kann een, wou och ëmmer een sëch befënnt, op den Internet zougräifen. Firausgesaat natierlech ët gett ë sougenannten WiFi-Hotspot, eng Plaaz mat sou engem Funkéseau. Leider ginn ët däer zu Lëtzebuerg nach net souvill, mä brauch een dat och iwwerhaapt? Muss een wirklech och an der Mëttespaus am Restaurant kënnen mam Laptop seng Emailen "checken"? Mä ween wirklech net drop verzichten kann, fënnt hei, mat 4 Plaazen, eng bis ëlo éischter moër Auswiël vun HotSpots zu .lu
Link
:-)
Wednesday, April 13th, 2005Ween oft a Foren schreiwt, fënnt net ëmmer dee richtege Smiley, deen grad dat aus dréckt, wat een wëll matdeelen. Deem kann lo gehollef ginn, mat verolas.com. Ë Site, op deem een sëch kann sélwer ë Smiley zesummen bastelen. Einfach den Text aginn, ë Smiley aus der Lëscht eraus wiëlen, dann nach eng Schrëftart an färdeg! D’Faarwen, d’Gréisst an nach weider Astellungen maachen aus deser einfacher, mä nëtzlecher Säit baal all "Must" fir de Forumsfan.
Link
…an Action!
Tuesday, April 12th, 2005De Filmreakter ass ë Grupp aus lëtzebuergeschen Hobbyfilmer, di versichen eng fräi an onofhängeg Filmszene opzëbauen. Op hirer Säit fënnt interessant Informatiounen ronderem d’Sélwerproduzéiren vun Filmer an Noriichten iwwert di lëtzebuerger Filmwelt. Ween schon ëmmer wollt an engem Film matspillen, wann och just als Statist oder sëch fir d’Kreéieren vun Spillfilmer interesséiert huët, fonnt op deem Site genuch Informatiounen doriwwer.
Link
Op Dauchstatioun
Tuesday, April 12th, 2005Interessant Reportagen an Fotoën ronderem d’Dauchen kann een op scuba.lu fannen. Besonnesch d’Logbuch vun der Antarktis-expeditioun am Februar 2005 ass liësenswärt.
Link
