pei-nlech?

U sëch wollt ech hei eppes iwwert de Site vum MUDAM (am Volleksmond och "Pei-Musée" genannt), deen läschte Weekend offiziell opgoung, schreiwen. Mä d’Säit huët sou ë komesche Layout, respektiv iwwerhaapt keen, datt ech dovun ofgesin hun, mech doduërch ze wullen. Weder am Firefox, nach am Internet Explorer gett di Säit richteg ugewisen. Oder besser gesoot, së gett schon richteg ugewisen, mä ass awer wahrscheinlech net dat, wat den Claude Closky vun Noel Solution (dem Quelltext no den Auteur) geduëcht hat. Deem misst een d’Pei sträichen! Vläit ass dat ganzt sélwer awer och als Konschtexperiment geduëcht, wéll u sëch hat ech mer baal erwaart, eng vun deenen üblechen onbenotzbaren, a réngem Flash gehaalenen Animatiounen ze gesin. Vläit konnten së sëch awer och nach net décidéiren, wéi eng Faarw den Hannergrond sollt kréien.

Link

This entry was posted in Kultur, News. Bookmark the permalink.

12 Responses to pei-nlech?

  1. thorben says:

    fir sou wuertspiller misst een dir den blog straichen

  2. sepisultrum says:

    Hehe, sou schlemm sin dei dach net Thorben :).
    Zumolst wann ee mat der Mudam Sait verglaicht. Déi ass wierklech net besonnech benotzbar. Grugeleg all dei hover Effekter déi di Ganz Sait zum Wackele brengt. Mee bon, wat soll ee soen, et ass fun engem «Könschtler».

  3. Thierry says:

    Katastophal. T’ass alles dass ech de Menü iwwerhaapt gesin, an heiansdo spréngt sou eng komesch fuerzgréng Affiche iwwer déi ganz Säit op. Wann de MUDAM (fir dee Numm misst een dem Ministère och villes sträichen :D) nemmen hallew sou gudd ass, da war et de Sträit em déi faméis Sténg jo scho baal wert. Hm, obwuel dat ass wahrscheinlech d’Erklärung: nodeems se do Milliounen u Steiergelder verschwend haten ware keng Suen méi do een ze bezuelen deen wees wat HTML ass. Mee Kanner, dofir gett et dach OpenSource Léisungen…

    Emmer rem schéin ze gesin, wat mir hei vu Kompetenz strotzen an deem klengen Land… :D

  4. Georges says:

    Ech wor an Mudam an engem eidlem Raum wouropp hin ech gesoot hun et ass naischt an deem Sall dran. Den Guardien huet geschmunzelt an ech gouff vun aneren Leit als Kulturbanaus vernannt.

    Et muss een eppes vun moderner Kultur verstoen an och eemol am Mudam dra gewiercht sin fier hier Internet Sait ze verstoen ;-)

  5. pa says:

    Hmm, ën eidele Raum ass mer zwar néirens opgefall. Wou war deen dann, méi am Keller? Do waren eng Rei Reim mat Videoprojektiounen, vläit woren déi grad aus oder sou…

  6. Georges says:

    En war uewen um Stack op der rietser Seit virun den Traapen fier eroof bei d’Cafeteria. Anscheinend wuar d’Struktur vun der Mauer extra (ronn Ecken emplaatz vun eckegen Ecken)

  7. pa says:

    Ah, okay, ech weess lo, wat’s de mengs an hätt do och geschmunzelt. Du häss missten d’Mauer mol mi vun no kucken. De Kënschtler hat d’Mauer mat Bläistëft vollgekritzelt. De ganze Raum. Vun ënnen bis ganz uëwen. Wirklech alles.

  8. Georges says:

    Oh merde, voll gebeit!! Ech sin juste 2 Schrett ragaangen, hun naischt gesin an sin rem direkt rausgaangen. Hehe

  9. Fränz says:

    Naja, iwwer Konscht lisst sech wierklech streiden, mee déi Internetsäit ass wierklech grausam. Vum Ausgesinn emol oofgesinn ass alles immens duergerneen opgebaut a verschidde Links kann een net richteg uklicken well déi d’Gréisst déi ganzen Zäit änneren. A Saachen Internet-”Konscht” ass dat do wierklech dat allerlescht. Fir e Millioune-Projet ass dat do dach net ze gleewen!

  10. thorben says:

    wat ass eigentlech mat okay.lu lass?

  11. pa says:

    LuxAdmin huët iergend eppes mat den DNS-Serveren verschass.

  12. thorben says:

    kommen dei awer rem?

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>