roude léiw, bloe léiw

Haut steet am "d’Wort" rem ën Artikel iwwert d’Petitioun zum Änneren vun der nationaler Tricolore an de Roude Léiw. Ech hun net matgeziëlt, mee ongeféier eng Dozen Artikelen därften ët ower schon gewiëscht sin, déi d’d'Wort (blöde Numm wéll) zanter dem Ufank vun där onsäglecher Debatte bruëcht huet. Iwwert d’ Géigesäit (Petitioun fir den Erhalt vun Roud-Wäiss-Blo) hun ech bis ëlo eng Kéier eng kléng Randnotiz geliës. Vun objektiver Berichterstattung net di Spuër. Mee firwat och wäit recherchéiren, wann Copy&Paste vun enger Pressemeldung mi einfach ass. A wann all zwee Deeg eng nei Pressemeldung mam nämlechten Thema eraus kannt, mierkt dat jo souwisou keen, wéi am Fall Blogdelux.

This entry was posted in Pablog. Bookmark the permalink.

3 Responses to roude léiw, bloe léiw

  1. Pingback: Ma, déi ass gutt!

  2. Rouden_Léiw says:

    De Lex Roth seet: de Roude Léiw ass kee nationale Fändel dat ass e Wopen, just fir d’Militär an d’Schëffahrt zu Lëtzebuerg, en huet de Sport vergiess. Eise Fändel gëtt net genuch opgehangen, ech géing der 3 ophänken den EU-Fändel, de rout -wäiss-bloen an de Roude Léiw, dierf et awer net, mäi Mann, genee wéi ech Lëtzebuerger, ass komplett dergéint. Eis Heemecht ass dach elo schonns d’Land Multikulti-Lux, zerrapt an zerklappt vu Parallelgesellschaften.

    Zevill Italiener kräische nach op italienesch, d’Portugiese äntwerten: »Nous, nous on est très fiers » a wëllen 2 Nationalitéiten an hire Fändel niewt eisen hänken. Déi ausserhalb vun der EU bréngen hier friem Reliounen matt. Mir selwer hu kéng Relioun, d’Kierch huet d’Sprooch an d’Inhalter verpasst d’Relioun un Demokratie unzepassen, ass nach ëmmer total fraefeinlech. Déi Gréng loossen eng Petitioun lafe fir d’Trennung vu Kierch a Staat, déi Rout si schonns direkt bei deem Thema ëmgefall, fir an d’Regierung ze kommen, wat déi Gréng doutsécher och gemaat hätten.

    Dëss Woch an der Bank, 2 jonk Italiener viru mer, wollten e Compte opmaan, haten hiren eegenen Iwwersätzer mattbruecht a jiddereen huet dat mattkritt esou haart gouf geschwat. Hei gouf schonns längstens verpasst déi ëmol direkt a lëtzebuerger, däitsch a franséisch Couren ze schécken (e Minimum, bei eis herrscht jo 3-Sproochegkeet) fir déi, déi bei eis wëlle schaffe goen.

    Eis Nationalidentitéit seet de Lex Roth ass d’ 3-Sproochegkeet: d’Franséisch fir d’Juristerei. An der Praxis setzen d’Asti-Sesopi-Clae d’Franséisch awer elo schonns un déi 1.Stell. Esou ginn eis op Laangweil d’Lëtzebuergesch an Däitsch verluer, wëllt awer keen zouginn.

    Dem Lex Roth séng Nationalidentitéit gëtt et an der Praxis iwwerhaapt net méi, éischter dem G.Calteux säi Sproch: d’Fauscht an der Täsch.

    Dem Michel Wolter séng Fändelaktioun kënnt grad giedlech: 1.de „Roude Léiw“ gesäit ee besser no Baussen, 2.de Léiw ass an der Natur um ausstierwen. Lëtzebuerg ass längst um Ausstierwen, en Auslafmodell, wou awer gi mer als „Unhängsel“ bäigefléckt? Ech perséinlech wëll och nach am Alter schwätzen wéi de Schniewel mer gewues ass! De Saz endlech ëmol fäerdeg maan: „Mir brauchen d’Auslänner, si eis awer nach méi! Mir bidden hinnen Aarbecht an och nach eng nei Heemecht un.

    Si awer leide nach an der 2.-3. Generatioun um „Deuil de l’Immigration“! Déi Leit kënnen also nach kee Bezuch zu eiser Heemecht hunn. Déi meescht sinn iwwerhaapt nach net ëmol zu Lëtzebuerg richteg ukomm. Si sollten ëmol hir psychologesch Krankheet den „Deuil de l’Immigration“ auscouréieren éi si eist d’Wahlrecht gären hätten.

    Et gouf eng italienesch Konferenz op der UNI-Lëtzebuerg organiséiert wou d’Organisateuren anscheinend de Sënn vum Wuert „le Deuil de l’Immigration“ net verstaanen hunn, soss bräicht et deen Débat vun der duebler Nationalitéit guer net ze ginn.

    Fir ze schaffe brauch ee kéng Lëtzebuerger Nationalitéit et gëtt jo kee gezwongen bei eis ze schaffen. A fir wielen ze goen, geet déi Lëtzebuerger Nationalitéit largement duer. Wee bei eis wielen dierf goen, sollte mer eis vu Bréissel iwwerhaapt net opzwénge loossen. Déi Lëtzebuerger Nationalitéit, eis Sprooch, eise Fändel, eis Heemecht unzehuelen ass kee Klacks, mä bleift e „Reifeprozess“. Déi just um Duerchzuch sinn, si mam Häerz net bei eis. Fir bei eis wielen ze goen, muss een ëmol ukommen an der neier Heemecht!

    De Roude Léiw als Nationalfändel?

    Also ech si fir déi al Versioun well se méi farwekräfteg ass.

    E Referendum wir natierlech optimal mä net nëmmen fir d’Fändelaktioun mä och nach zu aneren Themen well et momentan vill Kritik an der Bevëlkerung gëtt. Ausserdeem wiren d’Käschten dann op verschidden Themen verdeelt déi d’Bierger interesséieren z.B.:

    1. de Roude Léiw oder d’Tricolore?

    2.Monarchie oder Republik?

    3.Trennung vu Kierch a Staat?

    4.Multipel Nationalitéiten (méi Päss) oder nëmmen e Lëtzebuergeschen?

  3. pa says:

    Merci fir däi Bäidrag, mee ech gesi lo kee Grond di aal Diskussioun (desen Artikel ass iwwert ee Joer aal) neess opzerullen. Et gouf décidéiert de Fändel ze haalen an ech perséinlech fannen dat gudd.

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>