streetart has a posse

De Fireball huet mech op e neie Blog opmierksam gemaat, deen sëch ëm d’Streetart zu Lëtzebuerg bekëmmert. U sëch kinnt ee méngen, datt sou eppes hei zu Lëtzebuerg nach an de Kannerschong ging stiëchen, mee an de läschte Joren si mer relativ vill Beispiller dozou opgefall, z. Bsp. de bloen Hirsch vum läschte Joer a séngen verschiddenen Variatiounen.

Wéi ech firun e puer Méint op d’Porte Ouverte am neien CNA (net ze verwiësselen mat C&A) wor, hat ech am Skaterpark zu Dudetown geparkt. Do ass anscheinend nawell eng zimlech grouss Graffitiszene amgaangen sëch flott z’ameséiren. Ënner aanerem woren awer och Dréck vum Mittal an Thierry Vanwerveke ze gesin. Den éischten hat e puer Vampirzänn verpasst kruut an huet wi aus dem “Mittalalter” gewiërkt. Den Thierry huet eng Posse hannert sëch geschleeft.

Wien kennt nach Beispiller oder huet passend Photoen?

Heavy Mittal
Johnny Chicago has a posse

This entry was posted in Blogs, Entertainment, Kultur. Bookmark the permalink.

8 Responses to streetart has a posse

  1. Fireball says:

    Ufank des Joeres hun ech ziemlech vill Johnny Chicago-Stickeren an der Stadt gesin an mech gefroot, op et eng “viral” Aktioun fir en eventuellen DVD-Release wier, mee et ass awer nix esou no komm.
    Am Moment pechen relativ vill schwarz-weiß Fotoen hannen op Luuchtenpotoen, mee ech mengen daat sin alles Unikater (Avenue de la Liberté).
    Oh, ech gesin graad, daat ech et relativ cool geif fannen, wann et eng Aart Flicker-GoogleMaps-Wiki-Mashup geif gin, wou en Streetartfotoen geotaggen an sichen kéint.

  2. housicker says:

    Guden owent. Fir unzefenken wollt ech mol soen dass ech zimlech erstaunt sin dass der op onsen blog fonnt hut.
    Ech perseinlech sin net sou begeechtert iwert dei Johnny Chicago sticker campaign well se eischtens geklaut ass an zweetens keen richtegen street art ass mee eischter werbung fir eng persoun oder film. Den sticker ( http://www.boston.com/news/globe/ideas/brainiac/AndreTheGiantSticker.gif )ass eng campaigne gewiercht vum Frank Shepard Fairey genau sou wei d´obey sticker fir een phenomän ze testen! Mei steet op onsem blog driwer enner “Obey Sticker Campaign “

  3. Pingback: “Streetart has a posse” egalwaat.lu « Housicker’s Weblog

  4. Fireball says:

    Wiesou erstaunt? Ech hun d’Grupp op Facebook gesin, den Blog besicht, en direkt verlinkt an schon schwätzt jiddereen dovunner. Et geht heinsdo immens séier ;-)

  5. Charles Betz says:

    Mech géif et intresséiren, an ech hoffen dat versteet lo kee falsch, op et en Ënnerscheed zweschen Streetart an normalem Graffiti get. Ass all Graffiti automatesch Streetart? Ka Vandalismus och Streetart sin?

  6. szenen says:

    Geseid een dat konscht net zu aeren groussen interessen geheiert, soss giffen aer missinterpretationen net sou erausstiechen.
    Streetart war an waert och hoffentleg weiderhin eng sozialcriteg konscht bleiwen. An wann d’ironie oder den sarcasmus iwerd metapher net verstaan get soll een och neicht driwer schreiwen, kent en bessen domm eriwer. Eppes erwehnen an dann net drop agoen ass einfach laecherleg, ausser fleit wann een op eppes mierksam well machen waat paralellen huet, mee vum thema ofweicht.

    Den bloen hirch vum leschten joer, war publicity fir d’kulturjoer an der grousregion an keng richteg streetart, natierleg gin dofir artisten geholl, falls der direkt versicht ze conteren, mee et ass net mei konscht wei een plakaat.
    Ausserdem brauch net de geck mam lieser gemach ze gin, och wann sech CNA an C&A reimt. Genau sou weineg brauch een artist daat, deen sech op eng oder dei aaner arderweis secherleg ameseiert, mee wou hues daer eng ahunung (Den René Magritte huet z.b. net gaeren gezeechent, huet et awer sein liewen lang gemach), an dann firwaat muss een daat nach mat engem ”flott” arogant betounen.
    >, waat ass daat? Wann een incapabel ass dei offensichtleg capicritique ze liesen dann haalt einfach op, spillt mat aerer action-man figuer an kuck employee of the month, deen der warscheinleg nach gut waert fannen, och wann der faerdeg brengt den titel zweemol z’iwersinn.

  7. pa says:

    @szenen: Ui, do fillt een sëch op d’Schlapp getrëppelt?

    Dat mam C&A ass just eng Mack vu mir; ech sin e Fan vu nullen Wuertspiller an dat war mer dee Moment just agefall. An de “flott” ass guer net arrogant geméngt, mee éierlech. Ech hun dee Skaterpark zimlech flott fonnt an do waren richteg Graffitikonschtwierker ze bewonneren, lo ganz ouni Sarkasmus. Ech fannen dat luëwenswärt a sollt och op aanere Plaatzen widderholl gin.

    An zum bloen Hirsch: hues de der di Photo vum Gullideckel mol genee ugekuckt? Dat wor net di “offiziell” Hirschereklamm, di een iwwerall konnt bewonneren.

    Desen Artikel war vläit net ganz sériö geméngt, mee arrogant oder sarkastesch och net. Mee wann een sélwer wuel schon oft an deem heite Beräich ugegraff gouf, da liëst ee wuel séier sou eng Tendenz an alles eran, wat ee gesäit. Ouni lo dech (szenen) sélwer ze kennen oder ze wëssen, wat genau déng Implikatioun mat der Streetart ass.

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>