d’laach vun der nat…. äh vun egalwaat.lu

Dese Blog wor lo bal zwee Méint an der Summervakanz. Eigentlech stëmmt dat net, ech hat just keng Loscht an Zäit eppes ze schreiwen, mee iergend eng Excuse muss ee jo hun. Den Interessi fir ze bloggen ass net méi sou staark, wi am Ufank (2005). Mäin aanere Blog hun ech jo schon opginn a wärt en iergend wann mat desem fusionéiren (wann ech endlech eraus fonnt hun, wéi ech dat mat de Kategorien wärt maachen). D’Themegebidd vun egalwaat.lu war bis elo alles ronderem Lëtzebuerg. Dat wärt séch elo änneren an ech schreiwen einfach, op wat ech grad Loscht hun. Anstatt “objektiv” Artikelen iwwert verschidden Objeten, Événementer oder soss Eppes, gin et lo kéng Regele méi. Wiem dat net passt, hat Pech! ;)

Dat éischt, wat ech haut mol wollt erwähnen, ass, datt ech anscheinend am Télécran soll ze gesi sin. Op enger Photo vun der Avant-Première zu “The Dark Knight“. Wi gewinnt kucken ech op enger Zeitungsphoto ëmmer blöd dran. Oder kucken ech vläit och allgemeng ëmmer blöd dran? Wéll ech awer lo grad keen Exemplaire vun desem Magazin bei Hand hat, wollt ech alt mol op telecran.lu kucke goen. Natirlech wor do näischt ze fannen, ausser e grujheleschen Design, dee bei ménger läschter Visite vu firun iwwert engem Joer nach net do war. Grouss Banneren mat Photoen als Hannergrond a banalen wäiss/schwaarzen Iwwerschrëften driwwer. Do fehlt just nach Comic Sans MS als Schrëftart. Wéi een Möchtegern-Snowboarder… äh ‘Webdesigner’ hu se dann zesummen mat MS Paint dorop lass gelooss? Dat erënnert jo scho bal fatalerweis un Lëtzebuerg Privat (jo, ech verlinken dat hei, hihi).

Zum Dark Knight sélwer, deen en zimlech gudde Film ass, hun ech lo net mi direkt Loscht, eng Kritik ze schreiwen. En décke “Merci” geet awer un den Utopolis, deen d’Avant-Premièren anscheinen dozou benotzt, fir ze kucken, op d’Filmrullen an der Reih sin. Hätten se dat firdrun gemaat, hätt de Film net grad matzen an enger relativ spannender a décisiver Szene opgehaalen an éischt no 5 Minutte weider gaangen. Wat fir eng Technik stëcht eigentlech dohannert, wann bei engem “Problem mam Projekter” (O-Toun) direkt automatesch och d’Luuten am Sall uginn? An dat a béide Säll zu anscheinend verschiddenen Zäitpunkten. Firwat kënnt sou e grousse Blockbuster eigentlech net souwisou digital eraus? Oder wollten se vläit Raubkopien verhënneren? En RTL-Kameramann souss nämlech mat séngem Geschier an der éischter Reih. Schued datt ech den Handy schon aus hat, soss hätt ech lo eng Photo dovun hei hi gesaat.

This entry was posted in Entertainment, Intern, Internet & PC, Kultur, Personal & Hobbies. Bookmark the permalink.

2 Responses to d’laach vun der nat…. äh vun egalwaat.lu

  1. Chris says:

    Ech hat dech direkt erkannt, wéi ech haut op der Aarbecht den Télécran gelies hunn. Huet d’Popcorn geschmaacht? ;)

  2. Fireball says:

    Ech hun lo dauerend geduercht “waat fir en lach”.. an dunn hun ech et lo awer endlech verstaanen ;)

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>