egalwaat.lu

Den Titel vun desem Artikel kënnt op desem Blog a läschter Zäit leider ë bessen ze kuerz. Duerfir kann ech awer eng nei Versioun vun der Blogbuerg ukënnegen.

Den Design gouf ë bessen iwwerschafft an ët kritt een ëlo di neisten Artikelen, zesummen mat engem kuerzen Extrait aus den ageschriwwen Blogen présentéiert. Desweideren gelangt een iwwert den Titellink direkt op den beschriwwenen Artikel a net méi just op d’Haaptsäit vum jeweilege Blog. Dat hëlleft besonnesch bei “high traffic”-Newsblogen, wou ee soss misst als éischt nach sichen.

Wann nach een eng Iddi iwwert weider Informatiounen (Allgeménges oder spezifesch zu engem Blog), di kinnten ugewise gin, huet, ass säi Virschlag hei an de Kommentaren ausdrécklech erwënscht.

D’Blogbuerg huet lo ën “Update Service” ënnert foljhender URL:
http://blog.egalwaat.lu/ping/

Wann dir ë Blog an der Blogbuerg stoen huet, kënnt der des Adress an ärem Blogsystem androen an dann gëtt all Kéiers, wann der ën Artikel schreiwt, d’Blogbuerg drop opmierksam gemaat an d’Haptsäit bannent ë puer Minutten mam Artikelnumm aktualiséiert.

Dat ganzt ass nach nei an ët wärte wuel nach deen een oder aaneren Fehler optrieden, duerfir sot Bescheed, wann ët net sollt richteg fonktionéieren.

Ech hätt et net geduecht, mee no bal 2 Joer huet d’Blogbuerg elo konnten säin 200. Blog begréissen.

Ech weess, datt eng ganz Reih vun de Blogen, di nach dran stin, net mi existéiren oder aktualiséiert gin, mee zu iergend engem Zäitpunkt hun se awer existéiert. An nächster Zäit wärt et och eng Reih Ännerungen a geraumt gin. Virschléi a Verbesserungen sin natirlech wëllkomm.

D’Blogbuerg ass lo rem ganz nei an der endgülteger Versioun 2.0 opgaangen. Bis ëlo sin mol zwee RSS-Feeds dobäi komm an an Zoukonft wärten een nach verschidden Informatiounen iwwert d’Blogen kënnen ofruffen.

Wien lo nach ë Blog vermësst, dee soll weg. de Formulaire um Site benotzen. Ech hu keen express ewech gelooss; entweder kennen ech de Blog dann net oder hun ë vergiëss. Mee dat kann een da jo ganz séier änneren ;)

D’Säit ass lo op englesch, wéll eng ganz Reih vun Blogger hei zu Lëtzebuerg net onbedéngt dem Lëtzebuergeschen fäheg sin an domat och méi ën internationalen Publikum ugesprach gëtt, deen sëch vläit mol wëll iwwert di lokal Blogosphäre (rem dat Wuërt!) informéiren.