Jo dese Blog liëwt nach!
via Mesmerised
Archive for the ‘Internet & PC’ Category
du bass…
Saturday, January 9th, 2010content ass king
Sunday, October 18th, 2009Den Titel vun desem Artikel kënnt op desem Blog a läschter Zäit leider ë bessen ze kuerz. Duerfir kann ech awer eng nei Versioun vun der Blogbuerg ukënnegen.
Den Design gouf ë bessen iwwerschafft an ët kritt een ëlo di neisten Artikelen, zesummen mat engem kuerzen Extrait aus den ageschriwwen Blogen présentéiert. Desweideren gelangt een iwwert den Titellink direkt op den beschriwwenen Artikel a net méi just op d’Haaptsäit vum jeweilege Blog. Dat hëlleft besonnesch bei “high traffic”-Newsblogen, wou ee soss misst als éischt nach sichen.
Wann nach een eng Iddi iwwert weider Informatiounen (Allgeménges oder spezifesch zu engem Blog), di kinnten ugewise gin, huet, ass säi Virschlag hei an de Kommentaren ausdrécklech erwënscht.
blogbuerg update service
Thursday, September 24th, 2009D’Blogbuerg huet lo ën “Update Service” ënnert foljhender URL:
http://blog.egalwaat.lu/ping/
Wann dir ë Blog an der Blogbuerg stoen huet, kënnt der des Adress an ärem Blogsystem androen an dann gëtt all Kéiers, wann der ën Artikel schreiwt, d’Blogbuerg drop opmierksam gemaat an d’Haptsäit bannent ë puer Minutten mam Artikelnumm aktualiséiert.
Dat ganzt ass nach nei an ët wärte wuel nach deen een oder aaneren Fehler optrieden, duerfir sot Bescheed, wann ët net sollt richteg fonktionéieren.
extreme shepherding
Thursday, March 19th, 2009Den Internet huet séch lo getopped, ët kann een ën ausmaachen, ët wärt näischt Besseres gin, wi dee Video hei. Merci an Eddi.
PolitikerScheck
Tuesday, March 10th, 2009Geschwënn (an dräi Méint) si rëm Wahlen an da méngt jhiddereen, deen net schon op enger Parteilëscht steet, säi Pefferkär missten dozou bäi zë léen (ech jo hei och). Duerfir gouf eng Websäit mam Numm politikercheck.lu op d’Bee gesat. Ech duëcht, do kinnt ee lo d’Standpunkten vun de verschiddenen Parteien an hire Memberen zu bestëmmtenen Theme vergläichen, mee deem ass net sou. Opmannst am Moment nach net. Vläit a véier Méint.
Di eenzel Politiker mussen séch als éischt sélwer do umellen (wahrscheinlech géint ë kléngt Entgeld, ech hu kéng Konditiounen dozou konnten um Site fannen). Dat ass a méngen Aan schon den éischte Problem, wéll ausser deene bekannte Gréissten an deene gewinnten Mediegiëregen, wärt dat wuel kee maachen, sou fortschrëttlech wi eis Politiker sin.
Desweideren ass dee Site vum Opbau a vum Design hir eng eenzeg Katastroph. D’Haaptsäit huet den extrem bezeechenden Titel “Home”, de Navigatiounsmenü fonktionéiert net richteg (opmannst op der éichter Säit gëtt net all Grafik ugewisen, a wann, ass së ganz verzerrt) an op verschiddenen Ënnersäiten gi monter eng Dozen Schrëftarten am Text vermëscht.
Den eenzegen Inhalt, deen am Moment zë fannen ass (ausser Lëschten mat de Politiker), si vill Beschreiwungen vun der säitbedreiwender Asbl sélwer. An och datt së un Don’en a Sponsoring interesséiert wiren. Si kréien nämlech de ganze System vum däitsche Site abgeordnetenwatch.de zur Verfügung gestallt. Anzwar fir 1.000 € de Mount (ech misst nawell laang sichen, bis ech ë sou en deieren CMS ging fannen, di meescht, di ech kennen, si gratis). Arbëchtshëllef brauchen së och nach (fir wann een séch willt mellen), wéll den Opwand fir si alléng lo schon ze grouss ass (Impressumen schreiwen séch net alléng) a Reklammen gingen së och gär weisen (fir datt së och an Zoukonft kënnen iwwerparteilech an onofhängeg bleiwen).
banannerepublik.lu
Wednesday, March 4th, 2009Den Thierry (wéngst deem hu des Säit ën “a” zevill am Numm!) huet en interessant Dokument fonnt: eng Lëscht mat Domainnimm, di ee bei der Restena nët kann registréieren. Bei verschiddene Nimm verstinn ech ët (och wann dat ganzt zimlech willkürlech ass a Meenungsfräiheet anscheinend zimlech kléng geschriwwe gëtt), mee verschiddener si liicht absurd. Firwat soll een nët kënnen attert.lu oder ardennes.lu registréire kënnen? An oesling.lu? Ët gëtt jo awer eisleck.lu, domat haten së anscheinend kee Problem. An all d’Kombinatiounen mat “sex” am Numm sin natirlech souwisou verbueden. Ech méngen, ech kucke mer mol sextant.lu (wiën fiërt nët gär mat engem Seegelschëff) oder sextett.lu (eppes sou kulturelles wi Musek misst dach erlaabt sin!) un fir ze registréieren…
google breedegrad
Thursday, February 5th, 2009Google huet alt rem e neie Projet eraus bruecht: Google Latitude. E Service, mat deem een iwwert en Handy ka séng Positioun bekannt maachen, sou datt Frënn wëssen, wou een drun ass. En, a méngen Aan, interessante Projet, dee wuel a nächster Zäit eng ganz Reih vun neie Méiglechkeeten wärt bidden. Lëtzebuerg gëtt leider nach net ënnerstëtzt.
Méng Prévisiounen:
- Staumeldungen kënne vereinfacht gin
- spontan Treffen vu Gläichgesënnten
- Verspéidungen sin offensichtlech
…
Wat ass nach alles domat méiglech? Schreiwt mer ët an d’Kommentaren.
the one and only
Monday, December 1st, 2008egalwaat.lu wënscht ëlo schon sénge Liëser schéin Feierdeeg an erënnert dorun, datt dese Site och fir d’nächst Joer nach ëmmer mat 3 ‘a’en geschriwwe gëtt. Schlecht nogemate Kopien solle weg. ignoriéiert gin (nei Liëser, di séch vertippt hun, sin awer härzlech wëllkomm). Wéll, nëmme wou ‘egalwaat’ drop steet, ass och ‘egalwaat’ dran!
d’laach vun der nat…. äh vun egalwaat.lu
Wednesday, August 13th, 2008Dese Blog wor lo bal zwee Méint an der Summervakanz. Eigentlech stëmmt dat net, ech hat just keng Loscht an Zäit eppes ze schreiwen, mee iergend eng Excuse muss ee jo hun. Den Interessi fir ze bloggen ass net méi sou staark, wi am Ufank (2005). Mäin aanere Blog hun ech jo schon opginn a wärt en iergend wann mat desem fusionéiren (wann ech endlech eraus fonnt hun, wéi ech dat mat de Kategorien wärt maachen). D’Themegebidd vun egalwaat.lu war bis elo alles ronderem Lëtzebuerg. Dat wärt séch elo änneren an ech schreiwen einfach, op wat ech grad Loscht hun. Anstatt “objektiv” Artikelen iwwert verschidden Objeten, Événementer oder soss Eppes, gin et lo kéng Regele méi. Wiem dat net passt, hat Pech! ;)
Dat éischt, wat ech haut mol wollt erwähnen, ass, datt ech anscheinend am Télécran soll ze gesi sin. Op enger Photo vun der Avant-Première zu “The Dark Knight“. Wi gewinnt kucken ech op enger Zeitungsphoto ëmmer blöd dran. Oder kucken ech vläit och allgemeng ëmmer blöd dran? Wéll ech awer lo grad keen Exemplaire vun desem Magazin bei Hand hat, wollt ech alt mol op telecran.lu kucke goen. Natirlech wor do näischt ze fannen, ausser e grujheleschen Design, dee bei ménger läschter Visite vu firun iwwert engem Joer nach net do war. Grouss Banneren mat Photoen als Hannergrond a banalen wäiss/schwaarzen Iwwerschrëften driwwer. Do fehlt just nach Comic Sans MS als Schrëftart. Wéi een Möchtegern-Snowboarder… äh ‘Webdesigner’ hu se dann zesummen mat MS Paint dorop lass gelooss? Dat erënnert jo scho bal fatalerweis un Lëtzebuerg Privat (jo, ech verlinken dat hei, hihi).
Zum Dark Knight sélwer, deen en zimlech gudde Film ass, hun ech lo net mi direkt Loscht, eng Kritik ze schreiwen. En décke “Merci” geet awer un den Utopolis, deen d’Avant-Premièren anscheinen dozou benotzt, fir ze kucken, op d’Filmrullen an der Reih sin. Hätten se dat firdrun gemaat, hätt de Film net grad matzen an enger relativ spannender a décisiver Szene opgehaalen an éischt no 5 Minutte weider gaangen. Wat fir eng Technik stëcht eigentlech dohannert, wann bei engem “Problem mam Projekter” (O-Toun) direkt automatesch och d’Luuten am Sall uginn? An dat a béide Säll zu anscheinend verschiddenen Zäitpunkten. Firwat kënnt sou e grousse Blockbuster eigentlech net souwisou digital eraus? Oder wollten se vläit Raubkopien verhënneren? En RTL-Kameramann souss nämlech mat séngem Geschier an der éischter Reih. Schued datt ech den Handy schon aus hat, soss hätt ech lo eng Photo dovun hei hi gesaat.
second bock
Wednesday, April 23rd, 2008Di mi eeler Liëser erënneren séch vläit nach un Second Life, eng online 3D-Welt, ronderem déi et 2006 an 2007 nawell e groussen Hype gouf. Ma, anscheinend existéiert dat alles nach an ass weiderhin um Floréiren. Et het séch souguer eng gréisser lëtzebuergesch ‘Community’ gebild (de Grupp “Lëtzebuerg”, deen ech Mëtt 2006 gegrënnt hat, wor net grad sou erfollegräich, duerfir gin et der lo awer eng ganz Reih aanerer). Besonnesch de lëtzebuergesche Muséker “Cyberpiper” ass do erfir ze stiëchen, deen séch am Moment zesumme mat aanere Fräiwëllegen a mat Hëllef vum Katasteramt ameséiert fir eng virtuell Rekonstruktioun vum Bockfiëls (wou di ursprünglech Buerg Lëtzebuerg stoung) ze bauen, respektiv ze “builden”, wi dat op “Second Lëtzebuergesch” heescht. Hei ass e Snapshot vum 22. Abrëll 2008, dat Ganzt ass awer nach laang net färdeg. Dat Bloot am Hannergrond ass iwwregens d’Miër, wéll eng virtuell Belsch gëtt et, ménges Wëssens no, nach net.
