A gläich nach ë Video vun promoteluxembourg.com
Ech hu gemierkt, datt a läscht Zäit hei zu Lëtzebuerg ëmmer méi professionnell Videoen hirgestallt gin. Net sou wi desen (okay, dat war och eng aaner Zäit). Kennt nach een sou Beispiller (onofhängeg vun der Ausso)?
Geschwënn (an dräi Méint) si rëm Wahlen an da méngt jhiddereen, deen net schon op enger Parteilëscht steet, säi Pefferkär missten dozou bäi zë léen (ech jo hei och). Duerfir gouf eng Websäit mam Numm politikercheck.lu op d’Bee gesat. Ech duëcht, do kinnt ee lo d’Standpunkten vun de verschiddenen Parteien an hire Memberen zu bestëmmtenen Theme vergläichen, mee deem ass net sou. Opmannst am Moment nach net. Vläit a véier Méint.
Di eenzel Politiker mussen séch als éischt sélwer do umellen (wahrscheinlech géint ë kléngt Entgeld, ech hu kéng Konditiounen dozou konnten um Site fannen). Dat ass a méngen Aan schon den éischte Problem, wéll ausser deene bekannte Gréissten an deene gewinnten Mediegiëregen, wärt dat wuel kee maachen, sou fortschrëttlech wi eis Politiker sin.
Desweideren ass dee Site vum Opbau a vum Design hir eng eenzeg Katastroph. D’Haaptsäit huet den extrem bezeechenden Titel “Home”, de Navigatiounsmenü fonktionéiert net richteg (opmannst op der éichter Säit gëtt net all Grafik ugewisen, a wann, ass së ganz verzerrt) an op verschiddenen Ënnersäiten gi monter eng Dozen Schrëftarten am Text vermëscht.
Den eenzegen Inhalt, deen am Moment zë fannen ass (ausser Lëschten mat de Politiker), si vill Beschreiwungen vun der säitbedreiwender Asbl sélwer. An och datt së un Don’en a Sponsoring interesséiert wiren. Si kréien nämlech de ganze System vum däitsche Site abgeordnetenwatch.de zur Verfügung gestallt. Anzwar fir 1.000 € de Mount (ech misst nawell laang sichen, bis ech ë sou en deieren CMS ging fannen, di meescht, di ech kennen, si gratis). Arbëchtshëllef brauchen së och nach (fir wann een séch willt mellen), wéll den Opwand fir si alléng lo schon ze grouss ass (Impressumen schreiwen séch net alléng) a Reklammen gingen së och gär weisen (fir datt së och an Zoukonft kënnen iwwerparteilech an onofhängeg bleiwen).
D’Wäisst Haus bloggt lo och. Just fir ze soen. (Kommentarer sin awer anscheinend gespaart)
Video eraus geholl (Säit brauch ze laang fir ze lueden)
Link zum Trailer
2009 ass dat internationalt Joer vun der Astronomie (de Galileo Galilei huet virun 400 Joer duerch en Teleskop gekuckt). Fir dat ordentlech ze feieren, kann een op deser Säit all Dag en aanert astronomescht Bild kucken (huet och e Riisenarchiv).
Desweideren ass 2009 och nach d’Haydn-Joer (200. Doudesdag), d’Mendelssohn-Joer (200. Gebuertsdag), d’Händel-Joer (250. Doudesdag), d’Calvin-Joer (500. Gebuertsdag, de Johannes Calvin, net dee mam Hobbes), d’Charles Darwin-Joer (200. Gebuertsdag) an d’Heinz Erhardt-Joer (100. Gebuertsdag). A wie mer ka soen, duerch wat décidéiert gëtt, op de jeweilegen Doudesdag oder de Gebuertsdag gefeiert, gewënnt 50 Gummipunkten. Wahrscheinlech gëtt geholl, wat grad am nootsten ass. A firwat dem Sir Arthur Conan Doyle säin 150. Gebuertsdag an dem Edgar Allan Poe säin 200. net gefeiert ginn, weess ech och net.
Eng ganz Reih Saachen wärten séch änneren: an der Slowakei kann een ëlo am 16. EU-Land mam Euro bezuelen, d’EU-Rotspresidentschaft gëtt vun Tschechien an dann vun Schweden iwwerholl an d’USA wiësselen hire President (kruut ech lo éischt mat).
Weider Ereignisser sin an de Kulturhaptstiëd Linz a Vilnius, d’Äishockeyweltmeeschterschaft an der Schwäiz, eng dräifach Konjunktioun tëschent Jupiter a Neptun an di längsten Sonnendäischtert vum 21. Jorhonnert wärt a Südostasien ze gesi sin.
Ajo, an den 22. Mee wärt e Kléifeldmonster New York City zerstéieren.
Nodeems an de läschten Deeg jo bal all Blog séng Meenung zur Wahl vum Barack Obama als US-President huet misste kond gin, wëll ech hei mol e puer Linken weisen, vun Säiten mat Texter di e bessen méi ronderem dat ganzt Spektakel informéiren.
Den amerikanesche Magazin NEWSWEEK hat während dem Wahlkampf e Projet laafen, wou Reporteren de Presidentschaftskandidaten op Schratt an Tratt nogelaf sin. Wéll dat ganzt awer relativ ëmfangräich ass, huet d’Klaatsch-an-Traatsch-Säit Gawker eng Zesummefassung bruuecht, di nawell relativ interessant a witzeg ass.
Eng interessant geographesch Analyse vum Obama sénger Wiëlerschaft mat Landeskarten weist den “Strange Maps”-Blog.
Wat d’Zoukonft brénge wärt, erklärt e “Salon”-Artikel, dee nawell eng interessant Theorie vun enger véierter amerikanescher Republik erläutert.
Da gëtt ët zum Schluss natirlech och nach eppes fir ze kucken an ze lauschteren, an zwar de Video vun engem briteschen Reporter, deen de Wahldag sélwer eng 92-jähreg Wiëlerin, eng demokratesch an eng republikanesch Wahlparty besicht huet. Op läschterer war offensichtlecher Weis net grad souvill lass.
Wat lo soll mat den fanateschen Obama-Supportere geschéien, weess den “Onion News Network” och net sou richteg z’erklären.
Den “l” steet fir Lemming.
D’Schlaang beim éischte Verkaaf vum iPhone zu Lëtzebuerg, den 26. September.
Op der heiteger Braderie an der Stad Lëtzebuerg sin net nëmmen Kleeder- oder Schongverkeefer present: och di amerikanesch Sekt Scientology huet hire Stand opgemaat, anzwar am Eescher Bierg firun fréiere Büroen vun der Justiz. Wéi een op der Photo erkenne kann, verkaafen si do Bicher vum L. Ron Hubbard, dem Grënner vun der Sekt an di ominéis Stadpläng, di firun Joren schon eng Kéier hei erwähnt goufen. Wat net hei ze gesin ass, wor de Verkaf vun engem E-Meter, och nach Hubbard Electrometer genannt, mat deem trainéiert Scientologen anscheinend de mentalen Zoustand vun engem “Gleewegen” kënne moossen. Op méng anonym Nofro hin, gouf ech gewuer, datt dee ganze Stand vun “Life Power Luxembourg” organiséiert gëtt. Ob der Staater Union Commerciale bewosst ass, datt net nëmme Wueren, mee och Mënschen op der Braderie ausverkaaf gin? Am Geschäftsverband sin se anscheinend net vertrueden.
Och wann ech sélwer bal nach net engem Spill nogekuckt hun (ausser 5 Minutten Veloscourse laanscht di grouss Mauer), fannen dem “Stern” séng Billergallerie mat Photoen vun de verschiddenen Sportarten zimlech faszinéierend. Sämtlech Emotioune sin do representéiert a gëtt all Dag erweidert, sou laang d’Spiller nach laafen. Di Photo vum Janos Baranyai aus Ungarn ass nawell zimlech ellen ze kucken.
Haut de Moien um Knuedler:
5 neist Linken:
http:/
http:/
http:/
http:/
http:/
You are currently browsing the archives for the News category.