- 2012 ass ë Schaltjoer an huet duerch den 29. Februar 366 Deeg
- 2012 ass dat internationalt Joer vun de Genosseschaften an dat internationalt Joer vun der nohalteger Energie fir jhiddereen
- Europäesch Kulturhaptstiëd sin Guimarães am Portugal a Maribor a Slowenien
- An Indien ass ët dat nationalt Joer vun der Mathematik (wéngst dem 125. Gebuertsdag vum Srinivasa Ramanujan)
- Ët ass och d’Alan Turing-Joer als Kommemoratioun vum Mathematiker a Computerwësseschaftler séngem 100. Gebuertsdag
- Duerch Geméngefusiounen gëtt d’Zuël vun lëtzebuerger Geméngen vun 116 op 106 reduzéiert. Ët wärt also 10 traureg Buergermeeschtere gin (oder frouher, deemno wéi…)
- Am Juni ass a Polen an an der Ukrain d’Futtball-Europameeschterschaft
- Vun Enn Juli bis Mëtt August fannen zu London fannen di 30. Olympesch Summerspiller statt
- D’Futtball-Afrikameeschterschaft ass am Gabun an an Äquatorialguinea
- Zu Istanbul sin di 40. Olympesch Spiller am Schach
- D’Séissholzwuerzel ass d’Medizinplanz vum Joer
- Dänemark an Zypern hun d’EU-Rotspresidentschaft
- Op Curaçao a Sint Maarten gëtt den Antille-Gulden a karibesche Gulden ëmbenannt
- D’Weltausstellung ass zu Yeosu a Südkorea
- De 57. Eurovision Song Contest kënnt vu Baku am Aserbaidschan (Europa vergréissert séch)
- D’Tagesschau vum däitsche Sender ARD feiert 60 Joer
- Am August soll de Mars Science Laboratory (“Curiosity”) um Mars landen
- Den aktuellen Zyklus vum mesoamerikaneschen Maya-Laangzäitkalenner kënnt den 21. Dezember 2012 op ën Enn. Duerno fänkt awer rem ë neien un.

Kuërz firu 16:00 Auer ass ët ee Moment grad zimlech roueg an ech schlenderen laanscht d’Regal bei der Fënster. Meeschtens sin ech dobannen, wou ee kann a Rouh mat de Leit schwätzen; heiansdo gin ech awer och mol raus. Bei 6 Stonnen Oppenthalt brauch een Ofwiësselung. De Wirt ass grad hannenaus, an d’Lager oder op d’Toilett, ech weess ët net. Langeweil mëcht sëch méi wi just breet. Wéinstens leeft de Radio. Ët ass den däitschen RTL, ech méngen domols war dat nach den “Oldie-Sender”. Op eemol gëtt d’Musek ënnerbrach, ech ka mëch net méi un d’Lidd erënneren. De Speaker schwätzt an engem zimlech lässeg-bäileefegen Toun dovun, datt së gingen den aktuelle Programm ënnerbriëchen, wéll zu New York ë Flijher an ën Tuerm vum World Trade Center geflu wir oder sou. Kléngt zimlech null an ech hun dee Sproch nët witzeg fonnt. Ech iwwerlée mer, datt do am Studio hoffentlech Käpp wärte rullen. Sou null Witzer mëcht ee nët. D’”Ënnerbriëchung” vum Programm besteet doraus, datt ee Lidd ënnerbrach gëtt an ë neit Lidd ufänk. Wat soll dat Ganzt?

Um véier kommen dunn d’Noriichten an do schwätzt och rem een vun engem Flijherakzident am World Trade Center, dës Kéier awer a vill méi engem sériéisen Toun. Oh, da war dat jo echt? Geneeës wéissten së awer nach nët. Ech fänken direkt un mat iwwerléeën, wéi sou eppes huët konne geschéien. Wann een 6 Stonnen Differenz vu New York zu ménger Zäit ofrechent, muss d’Ongléck moies tëschent 8 a 9 Auer geschidd sin. Gudd méiglech, datt dee Moment vläit Niwwel iwwert Manhattan luch. Do kann sëch alt sou ë klénge Sportflijher mol verirren, opschons ët mer awer iergendwéi onrealistesch schéngt, datt sou eppes konnt op där Plaatz geschéien. Mat sou villen Héichhaiser wär dementspriëchend d’Wahrscheinlechkeet jo méi grouss, datt dat öfters ging geschéien, wat bis ëlo awer nach net de Fall war. Vläit war ët ën technesche Fehler? Oder ee Sightseeing-Flijher. Ech hat alt mol schons vun Touristen héiren, di mam Helikopter konnten eng Ronn iwwert Manhattan fléien. Méng morbid Schätzungen gin vun ongeféier 3-4 Affer u Bord vun der Maschinn aus a vläit nach eng Kéier souvill am Büro, wou de Flijher ageschlo wor. Ët stëmmt mëch traureg, wéi d’Schicksal kann bannent engem Moment sou krass eng 180°-Kéier maachen.

Beim nächste News-Boulletin gëtt vun engem zweeten Flijher-aschlaag an den 2. Tuerm geschwaat. Dat wärft all méng Iwwerléeungen iwwert ë Koup. Dat kann onméiglech ën Zoufall sin, dat ass gewollt. Ech froë mëch just firwat een zwee kléng Sportsflijheren a Bürostiërm knuppe léisst? Wat domm Terroristen! Grad dee Moment héieren ech d’Stëchwuërd “Boeing”. Merde, eng Boeing? Zwou souguer? Wou sin së dann u sou grouss Maschinne komm? Hu së déi gekidnapped? Mee da wire jo honnerte vu Mënschen u Bord mat ëm d’Liëwe komm?! Fréck, wat ass do lass?

Ë Fransous léisst säin Auto nom Volltanken un der Zapsail stoën a kënnt eran, fir zë bezuëlen. Ech froen hien, op hie Loscht hätt um Questionnaire Deel zë huelen. Hië wëll ganz opgereegt vu mer wëssen, wéi ech kinnt a sou engem Moment lo un sou ën domme Froëbou denken. Op ech da nët wéisst, wat an der Welt ging firun sëch goen? Hien ass richteg rosen. Ech äntweren him roueg, datt ech mer schon den Événementer di aaner Säit vum Atlantik bewosst wir, mee leider och näischt dorun kinnt änneren. D’Welt ging sëch trotzdem fir eis weider dréien an ech hun eng Arbecht zë maachen. De Fransous kuckt mëch eng Kéier erstaunt un an entschëllegt sëch, mee ën hätt awer wirklech kéng Zäit fir mäi Froebou.

Ech stinn nach bis 19:45 Auer do an décidéiren fir haut endgülteg op zë gin. Ech fueren heem Richtung Bouneweg, wou ech um 20:00 Auer eng Museksprouf hun. Di éischt vun der neier Saison no der Summervakanz. Mäin Instrument läit schon hannen an der Mall, fir datt ech nët nach bis heem laanscht muss, ët siche goen.

An der Paus kréien ech Geleegenheet mat aanere Musikanen zë schwätzen a froen, op së och schon vun der Katastroph héiren hätten. D’Wuërt “terroristesch Attack” wëll sëch iergendwéi net richteg a mäi Mond léen, ët gesäit och nach keen de ganzen Hannergrond dovun. All di Termen wärten éischt an de kommenden Deeg a Woche geprägt gin. Ee Saxophonist erziëlt mer, datt d’Tierm zesumme getrollt wiren an zimlech vill op der Telé zë gesin ass. D’Envergure vun der Katastroph vergréissert sëch a méngem Kapp rem ëm zousätzlech Niveauen. An ë Koup gefall? Mäi Gott?! Do schaffen dach bestëmmt zéngdausende vu Leit an deene Büroen!

Um 22:00 Auer kommen ech heem a wärt fir d’éischte Kéier di Biller gesin, déi sëch mer spéider wärten an d’Gehiir abrennen. Ech maachen séier d’Telé un ouni d’Jackett an d’Schong auszedin. Ech iwwerléeë mer, op wéi engem Kanal CNN ass, mee ech brauch mol nët ze wiësselen, wéll de Fernseher ëmmer mat der ARD ugeet an do sëch mer ë fuërchtbare Film presentéiert. Ech gesi, wéi zwee Tiirm riiseg, schwaarz Dampwolléken aus den iëwechte Stäck eraus quelle loossen, éier een zesumme fällt. Ech hat mer villes erwart, mee do drop war ech nët préparéiert. Dat Ganzt wirkt zimlech surrealistesch bis absurd. Ët hätt genausougudd kinnt aus engem Roland-Emmerich-Film sin.

Wéi ech no enger halwer Stonn miërken, datt ëmmer rem di nämlecht Videoopnaahmen laafe gelooss gin (weiderer sollten éischt an de näschten Deeg dobäi kommen), zappen ech duerch d’Kaneel a miërken, datt wirklech iwwerall dat nämlecht ass. Souguer di Seriesender ouni eege Produktiounen hun einfach de Programm vun engem Noriichtekanal aus dem nämlechte Studiohaus iwwerholl. Ët geet dovu riëds, datt bal de gesamten Flugverkéier op der Welt ënnerbrach gouf. Ech denken direkt u muër, wou ech soll méng Elteren op de Findel siche fuëren. Si kommen zréck aus der Vakanz, an zwar vu Madeira. Ech war mat hinnen dohi geflunn, mee eng Woch éischter zréck komm. Gottsäidank sollt sëch awer eraus stellen, datt hire Flug nët gecanceled wärt gin, mee “just” 4 Stonnen Verspéidung wärt hun. Um 23:30 Auer maachen ech d’Telé aus a gin an d’Bett.

Den Datum war den 11. September 2001.

An Däitschland ass d’Diskussioun opkomm, datt d’Blogosphäre zum Récktrëtt vum däitsche Bundeskanzler gefouert huet. Séng Remarque ass am Ufank vun den traditionelle Medien (Zeitung, Radio, TV) guer net oder just wéineg opgegraff gin. Wéi dunn ower op enge sëlleche politesch- wéi medien-interesséierte Blogen iwwert d’Ausso diskutéiert ginn ass, wor et och op eemol en Thema fir d’Zeitungen (besonnesch de SPIEGEL). Natierlech kann ee lo soen, datt et einfach e puer Deeg gedauert huet, bis sech eng Meenung doriwwer konnt entwéckelen an den Internet ebe méi aktuell ass, wéi eng wöchentlech Zeitung. Trotzdem konnt d’Diskussioun um Internet während den decisiven, meenungsbildenden éischten Deeg dat Thema an eng bestëmmte Richtung lénken, aus där et di aner Medien dunn net méi eraus kruten. Dest ass natierlech och just méiglech, well et an Däitschland eng ganz Rei vun Säite gin, di zwar deelweis banal, mee oft och professionell iwwert d’Politik beriichten. Dobäi ass et egal, aus wéi enger Richtung se kommen (lénks, riets, Mëtt…) an op se versichen objektiv ze beriichten oder subjektiv Meenungen un de Mënsch ze bréngen. Tatsaach ass, datt eng Diskussioun statt fënnt.

Hei zu Lëtzebuerg dogéint, schéngt sou eng “Online-Kultur” vum Diskutéieren quasi inexistent ze sinn. Eng Rei vu Blogen (di och an der Blogbuerg ze fanne sinn), probéieren zwar vun Zäit zu Zäit dat eent oder anert Thema un ze schneiden. Eng Handvoll Leit diskutéieren dann e puer Deeg doriwwer, mee gréisseren Afloss an d’”Leit-Medien” ass net direkt ze fannen. Verschidde Säiten widmen sech komplett de politeschen Diskussiounen, mee verdanken hir Existenz ower entweder enger Partei oder soss eng anerer Gruppéierung, di meeschtens an engem bestëmmten politesche Beräich an ze tesselen ass. D’Tendenzen vun den Diskussiounen sinn an deem Fall da scho meeschtens am Viraus kloer.

Ech fannen et och gutt, wann gréisser medial Institutiounen (d’Wort, RTL) net grouss drop aginn, wat all Topjhang mat enger Websäit kann an di grouss, wäit Welt eraus posaunen, mee trotzdem beaflossen verschiddenen Topegkeeten Artikelen, just well den Auteur sech net richteg iwwert d’Verbreedheet vun enger gewësser Iddi oder Laun informéiert huet (z. Bsp. huet virun enger Zäitchen d’Wort iwwert all domm Facebook-grupp bericht, wéi wann se géing d’Meenung vum gesamte Vollek bedeiten).

Wat feelt, sinn Diskussiounssäiten, di och am allgemenge Public bekannt sinn (den Internet ass och zu Lëtzebuerg endlech als Massemedium ukomm) an trotzdem sech net ze vill vun Individuen an eng bestëmmte Richtung zéie loossen. Oder wat bräicht .lu, ärer Meenung no, nach?

Ech hu gemierkt, datt a läscht Zäit hei zu Lëtzebuerg ëmmer méi professionnell Videoen hirgestallt gin. Net sou wi desen (okay, dat war och eng aaner Zäit). Kennt nach een sou Beispiller (onofhängeg vun der Ausso)?

Di eenzel Politiker mussen séch als éischt sélwer do umellen (wahrscheinlech géint ë kléngt Entgeld, ech hu kéng Konditiounen dozou konnten um Site fannen). Dat ass a méngen Aan schon den éischte Problem, wéll ausser deene bekannte Gréissten an deene gewinnten Mediegiëregen, wärt dat wuel kee maachen, sou fortschrëttlech wi eis Politiker sin.
Desweideren ass dee Site vum Opbau a vum Design hir eng eenzeg Katastroph. D’Haaptsäit huet den extrem bezeechenden Titel “Home”, de Navigatiounsmenü fonktionéiert net richteg (opmannst op der éichter Säit gëtt net all Grafik ugewisen, a wann, ass së ganz verzerrt) an op verschiddenen Ënnersäiten gi monter eng Dozen Schrëftarten am Text vermëscht.
Den eenzegen Inhalt, deen am Moment zë fannen ass (ausser Lëschten mat de Politiker), si vill Beschreiwungen vun der säitbedreiwender Asbl sélwer. An och datt së un Don’en a Sponsoring interesséiert wiren. Si kréien nämlech de ganze System vum däitsche Site abgeordnetenwatch.de zur Verfügung gestallt. Anzwar fir 1.000 € de Mount (ech misst nawell laang sichen, bis ech ë sou en deieren CMS ging fannen, di meescht, di ech kennen, si gratis). Arbëchtshëllef brauchen së och nach (fir wann een séch willt mellen), wéll den Opwand fir si alléng lo schon ze grouss ass (Impressumen schreiwen séch net alléng) a Reklammen gingen së och gär weisen (fir datt së och an Zoukonft kënnen iwwerparteilech an onofhängeg bleiwen).

Desweideren ass 2009 och nach d’Haydn-Joer (200. Doudesdag), d’Mendelssohn-Joer (200. Gebuertsdag), d’Händel-Joer (250. Doudesdag), d’Calvin-Joer (500. Gebuertsdag, de Johannes Calvin, net dee mam Hobbes), d’Charles Darwin-Joer (200. Gebuertsdag) an d’Heinz Erhardt-Joer (100. Gebuertsdag). A wie mer ka soen, duerch wat décidéiert gëtt, op de jeweilegen Doudesdag oder de Gebuertsdag gefeiert, gewënnt 50 Gummipunkten. Wahrscheinlech gëtt geholl, wat grad am nootsten ass. A firwat dem Sir Arthur Conan Doyle säin 150. Gebuertsdag an dem Edgar Allan Poe säin 200. net gefeiert ginn, weess ech och net.

Eng ganz Reih Saachen wärten séch änneren: an der Slowakei kann een ëlo am 16. EU-Land mam Euro bezuelen, d’EU-Rotspresidentschaft gëtt vun Tschechien an dann vun Schweden iwwerholl an d’USA wiësselen hire President (kruut ech lo éischt mat).

Weider Ereignisser sin an de Kulturhaptstiëd Linz a Vilnius, d’Äishockeyweltmeeschterschaft an der Schwäiz, eng dräifach Konjunktioun tëschent Jupiter a Neptun an di längsten Sonnendäischtert vum 21. Jorhonnert wärt a Südostasien ze gesi sin.

Ajo, an den 22. Mee wärt e Kléifeldmonster New York City zerstéieren.

Den amerikanesche Magazin NEWSWEEK hat während dem Wahlkampf e Projet laafen, wou Reporteren de Presidentschaftskandidaten op Schratt an Tratt nogelaf sin. Wéll dat ganzt awer relativ ëmfangräich ass, huet d’Klaatsch-an-Traatsch-Säit Gawker eng Zesummefassung bruuecht, di nawell relativ interessant a witzeg ass.

Eng interessant geographesch Analyse vum Obama sénger Wiëlerschaft mat Landeskarten weist den “Strange Maps”-Blog.

Wat d’Zoukonft brénge wärt, erklärt e “Salon”-Artikel, dee nawell eng interessant Theorie vun enger véierter amerikanescher Republik erläutert.

Da gëtt ët zum Schluss natirlech och nach eppes fir ze kucken an ze lauschteren, an zwar de Video vun engem briteschen Reporter, deen de Wahldag sélwer eng 92-jähreg Wiëlerin, eng demokratesch an eng republikanesch Wahlparty besicht huet. Op läschterer war offensichtlecher Weis net grad souvill lass.

Wat lo soll mat den fanateschen Obama-Supportere geschéien, weess den “Onion News Network” och net sou richteg z’erklären.

Den “l” steet fir Lemming.

D’Schlaang beim éischte Verkaaf vum iPhone zu Lëtzebuerg, den 26. September.