Fir déi, di et net kënne liesen: um T-Shirt steet “www.goodidea.lu”. Dat ass de neie Slogan vum Staater Geschäftsverband lëtzebuerger Commerce. Duerfir hänke lo um Knuedler a firum Palais rosa a schwaarz T-Shirter. Vu wäitem méngt een, et wir eng Aktioun vun “Point24″. Anscheinend ass Rosa dat neit Schwaarz.
EWL-Lieser brauchen net bis di nächst Wahlen ze waarden, fir Politiker kënnen d’Kopplabunz schloen ze gesin. An desem Fall ass et den Här Minister Biltgen am Hotel Maritim zu München op der REEL 2007.
(via Grommel deLuxe)
No “Lëtzebuerg Privat” kënnt lo den nächste Streech vun der nationaler Boulevard-press op de Maart. “Promi Lëtzebuerg” heescht dat Wonnerwierk vun Nullegkeet, mat gewinnt schlecht “recherchéierten” “Artikelen” a Biller vun angeblechen “lëtzebuergeschen” “Baurefraaen”. Eppes, fir dat sëch sougenannt C-Promien kënnen sélwer op d’Schëller klappen, wéll si et lo endlech an eng “Zeitung” geschafft hun. De Link dozou, gëtt et natirlech net op deser Plaaz (googlen kann jiddereen sélwer). Einfach aus Prinzip, mee duerfir en aaneren. Promi.lu ass nämlech eng ganz aaner Säit.
Pastafari si keng no Jamaica ausgewandert Italiener. Nee, et sin Unhänger vun der Kiirch vum fléienden Spaghettimonster. Lëtzebuerg huet lo och sou eng Kiirch. Do gëtt geléiert, datt d’Welt vun engem fléienden Spaghettimonster erschaafe gouf. Firwat och net. Beweist mol de Géigendeel! Färdeg!
Di nächst 50 Gummipunkten gin un deen, dee weess wéi een Robert Rodriguez / Quentin Tarantino-Fan hei den “N” ewech gerubbelt huet. Grindhouse op lëtzebuergesch, wien hätt dat geduecht…
Firun ongeféier 5 Joer hat egalwaat.lu doriwwer breicht, datt di “onofhängeg Natioun vun Papparelli” Krich géint Lëtzebuerg willt féiren. Anscheinend ass deen nach ëmmer amgaangen. De Krich kruut lo souguër säin eegenen Blog. Aan op a passt op! Geheim Agenten laueren iwwerall!
Ech fannen, et gëtt mol Zäit fir verschidden Billermakroen op lëtzebuergesch z’iwwersetzen. Haut gëtt ugefaangen mat der O RLY-Eil. Fillt iech fräi, d’Biller ze benotzen, wéi der wëllt.
Gëscht wor d’hallef Staad Lëtzebuerg wéngst engem Bommenalarm gespaart. Als éischt hat ët geheescht, Gemengenarbechter hätten bei der däitscher Ambassade eng Këscht vergiëss an dunn wir natirlech direkt mol als éischt ugehol gin, datt dat eng Bomm wir. Iergendwéi huet dat mech dunn un eng Kampagne d’läscht Woch zu Boston erënnert (Stëchwuërt: Mooninite); eng Guerilla-reklamm fir eng Cartoonserie hat do ähnlech Auswirkungen. Als Gag hat ech lo fir, foljhend Photomontage hei ze posten, mee leider ass meng Iddi vun der Realitéit ageholl gin. Dat gëscht wor nämlech och ë Publicity-Gag.
EWL start ë kléngt Experiment: Wann een mat engem bestëmmtenen Wuërt op eng Säit verlinkt, dann erschéngt di Säit bei Google, wann een no deem Wuërt sicht. Natirlech just, wann der genuch dat maachen. Duerfir verlinkt w.e.g op foljhend Säit mam Wuërt "LuxPrivat". Natirlech just, wann der wëllt ;)
D’Eröffnungsparade vum Kulturjoër 2007 de läschten Samschdeg an der Staad Lëtzebuerg, wor fir di lokal Hirschpopulatioun ë vollen Erfolleg. D’Friichten dovun wärte mer anschéngend (dem Bild no) ëm den 9. September 2007 gesin.
5 neist Linken:
http:/
http:/
http:/
http:/
http:/
You are currently browsing the archives for the Nonsens category.