March 10th, 2009
Geschwënn (an dräi Méint) si rëm Wahlen an da méngt jhiddereen, deen net schon op enger Parteilëscht steet, säi Pefferkär missten dozou bäi zë léen (ech jo hei och). Duerfir gouf eng Websäit mam Numm politikercheck.lu op d’Bee gesat. Ech duëcht, do kinnt ee lo d’Standpunkten vun de verschiddenen Parteien an hire Memberen zu bestëmmtenen Theme vergläichen, mee deem ass net sou. Opmannst am Moment nach net. Vläit a véier Méint.
Di eenzel Politiker mussen séch als éischt sélwer do umellen (wahrscheinlech géint ë kléngt Entgeld, ech hu kéng Konditiounen dozou konnten um Site fannen). Dat ass a méngen Aan schon den éischte Problem, wéll ausser deene bekannte Gréissten an deene gewinnten Mediegiëregen, wärt dat wuel kee maachen, sou fortschrëttlech wi eis Politiker sin.
Desweideren ass dee Site vum Opbau a vum Design hir eng eenzeg Katastroph. D’Haaptsäit huet den extrem bezeechenden Titel “Home”, de Navigatiounsmenü fonktionéiert net richteg (opmannst op der éichter Säit gëtt net all Grafik ugewisen, a wann, ass së ganz verzerrt) an op verschiddenen Ënnersäiten gi monter eng Dozen Schrëftarten am Text vermëscht.
Den eenzegen Inhalt, deen am Moment zë fannen ass (ausser Lëschten mat de Politiker), si vill Beschreiwungen vun der säitbedreiwender Asbl sélwer. An och datt së un Don’en a Sponsoring interesséiert wiren. Si kréien nämlech de ganze System vum däitsche Site abgeordnetenwatch.de zur Verfügung gestallt. Anzwar fir 1.000 € de Mount (ech misst nawell laang sichen, bis ech ë sou en deieren CMS ging fannen, di meescht, di ech kennen, si gratis). Arbëchtshëllef brauchen së och nach (fir wann een séch willt mellen), wéll den Opwand fir si alléng lo schon ze grouss ass (Impressumen schreiwen séch net alléng) a Reklammen gingen së och gär weisen (fir datt së och an Zoukonft kënnen iwwerparteilech an onofhängeg bleiwen).
Posted in Internet & PC, News | 5 Comments »
March 4th, 2009
Den Thierry (wéngst deem hu des Säit ën “a” zevill am Numm!) huet en interessant Dokument fonnt: eng Lëscht mat Domainnimm, di ee bei der Restena nët kann registréieren. Bei verschiddene Nimm verstinn ech ët (och wann dat ganzt zimlech willkürlech ass a Meenungsfräiheet anscheinend zimlech kléng geschriwwe gëtt), mee verschiddener si liicht absurd. Firwat soll een nët kënnen attert.lu oder ardennes.lu registréire kënnen? An oesling.lu? Ët gëtt jo awer eisleck.lu, domat haten së anscheinend kee Problem. An all d’Kombinatiounen mat “sex” am Numm sin natirlech souwisou verbueden. Ech méngen, ech kucke mer mol sextant.lu (wiën fiërt nët gär mat engem Seegelschëff) oder sextett.lu (eppes sou kulturelles wi Musek misst dach erlaabt sin!) un fir ze registréieren…
Posted in Internet & PC | 4 Comments »
February 27th, 2009
Haut fänken ech eng nei Serie un, op déi méch en Artikel vum Grommel bruëcht huet.
Ech posten ë kléngen Ausschnëtt vun enger GoogleMaps-Satellitephoto an d’Liëser kënne roden, wou dat soll sin. Ech fänken mol als éischt mat lëtzebuergesche Plaatzen un, wärt awer härno och an d’Ausland iwwer goen. Réng technesch gesin, ass ët ë Concours, wou jhiddereen ka mat maachen, mee een Deel soll och einfach nëmmen interessant Plaatzen erfier hiëwen, di ee vläit nach nët kennt.
Wat fir ee Gebai gëtt do gebaut a wou steet ët mëttlerweil (d’Photo ass schon ë besse mi aal)?
Wien wëll mat roden, kann dat an de Kommentare maachen.
Opléisung: Dat goung jo séier, de Ben wor den éischten, dee richteg geroden huet. Hei ass d’Originalplaatz.
Posted in Entertainment | 2 Comments »
February 5th, 2009
Google huet alt rem e neie Projet eraus bruecht: Google Latitude. E Service, mat deem een iwwert en Handy ka séng Positioun bekannt maachen, sou datt Frënn wëssen, wou een drun ass. En, a méngen Aan, interessante Projet, dee wuel a nächster Zäit eng ganz Reih vun neie Méiglechkeeten wärt bidden. Lëtzebuerg gëtt leider nach net ënnerstëtzt.
Méng Prévisiounen:
- Staumeldungen kënne vereinfacht gin
- spontan Treffen vu Gläichgesënnten
- Verspéidungen sin offensichtlech
…
Wat ass nach alles domat méiglech? Schreiwt mer ët an d’Kommentaren.
Posted in Entertainment, Internet & PC | 4 Comments »
January 21st, 2009
D’Wäisst Haus bloggt lo och. Just fir ze soen. (Kommentarer sin awer anscheinend gespaart)
Posted in Blogs, News | No Comments »
January 2nd, 2009
Coming soon…
Video eraus geholl (Säit brauch ze laang fir ze lueden)
Link zum Trailer
Posted in News, Science | No Comments »
January 1st, 2009
2009 ass dat internationalt Joer vun der Astronomie (de Galileo Galilei huet virun 400 Joer duerch en Teleskop gekuckt). Fir dat ordentlech ze feieren, kann een op deser Säit all Dag en aanert astronomescht Bild kucken (huet och e Riisenarchiv).
Desweideren ass 2009 och nach d’Haydn-Joer (200. Doudesdag), d’Mendelssohn-Joer (200. Gebuertsdag), d’Händel-Joer (250. Doudesdag), d’Calvin-Joer (500. Gebuertsdag, de Johannes Calvin, net dee mam Hobbes), d’Charles Darwin-Joer (200. Gebuertsdag) an d’Heinz Erhardt-Joer (100. Gebuertsdag). A wie mer ka soen, duerch wat décidéiert gëtt, op de jeweilegen Doudesdag oder de Gebuertsdag gefeiert, gewënnt 50 Gummipunkten. Wahrscheinlech gëtt geholl, wat grad am nootsten ass. A firwat dem Sir Arthur Conan Doyle säin 150. Gebuertsdag an dem Edgar Allan Poe säin 200. net gefeiert ginn, weess ech och net.
Eng ganz Reih Saachen wärten séch änneren: an der Slowakei kann een ëlo am 16. EU-Land mam Euro bezuelen, d’EU-Rotspresidentschaft gëtt vun Tschechien an dann vun Schweden iwwerholl an d’USA wiësselen hire President (kruut ech lo éischt mat).
Weider Ereignisser sin an de Kulturhaptstiëd Linz a Vilnius, d’Äishockeyweltmeeschterschaft an der Schwäiz, eng dräifach Konjunktioun tëschent Jupiter a Neptun an di längsten Sonnendäischtert vum 21. Jorhonnert wärt a Südostasien ze gesi sin.
Ajo, an den 22. Mee wärt e Kléifeldmonster New York City zerstéieren.
Posted in News | 4 Comments »
December 1st, 2008
egalwaat.lu wënscht ëlo schon sénge Liëser schéin Feierdeeg an erënnert dorun, datt dese Site och fir d’nächst Joer nach ëmmer mat 3 ‘a’en geschriwwe gëtt. Schlecht nogemate Kopien solle weg. ignoriéiert gin (nei Liëser, di séch vertippt hun, sin awer härzlech wëllkomm). Wéll, nëmme wou ‘egalwaat’ drop steet, ass och ‘egalwaat’ dran!
Posted in Intern, Internet & PC | 8 Comments »
November 20th, 2008
Posted in Entertainment, Nonsens | No Comments »
November 9th, 2008
Nodeems an de läschten Deeg jo bal all Blog séng Meenung zur Wahl vum Barack Obama als US-President huet misste kond gin, wëll ech hei mol e puer Linken weisen, vun Säiten mat Texter di e bessen méi ronderem dat ganzt Spektakel informéiren.
Den amerikanesche Magazin NEWSWEEK hat während dem Wahlkampf e Projet laafen, wou Reporteren de Presidentschaftskandidaten op Schratt an Tratt nogelaf sin. Wéll dat ganzt awer relativ ëmfangräich ass, huet d’Klaatsch-an-Traatsch-Säit Gawker eng Zesummefassung bruuecht, di nawell relativ interessant a witzeg ass.
Eng interessant geographesch Analyse vum Obama sénger Wiëlerschaft mat Landeskarten weist den “Strange Maps”-Blog.
Wat d’Zoukonft brénge wärt, erklärt e “Salon”-Artikel, dee nawell eng interessant Theorie vun enger véierter amerikanescher Republik erläutert.
Da gëtt ët zum Schluss natirlech och nach eppes fir ze kucken an ze lauschteren, an zwar de Video vun engem briteschen Reporter, deen de Wahldag sélwer eng 92-jähreg Wiëlerin, eng demokratesch an eng republikanesch Wahlparty besicht huet. Op läschterer war offensichtlecher Weis net grad souvill lass.
Wat lo soll mat den fanateschen Obama-Supportere geschéien, weess den “Onion News Network” och net sou richteg z’erklären.
Posted in Entertainment, Kultur, News | No Comments »
